لیزرز

لیزر کیا ہے؟

لیزر laser اصل میں ان الفاظ کا محفف ہے۔
Light Amplication By Stimulated Emission of Radiation
عام لائٹ مختلف قسم کی الیکڑو میگنیٹک (برق مقناطیسی) لہروں پر مشتمل ہوتی ہے جسکی شعائیں مختلف انداز سے مختلف سمتوں میں حرکت کر رہی ہوتی ہے۔
جبکہ لیزر لائٹ ایک ہی سمت میں بغیر پھیلے لمبے فاصلے طے کرتی ہے۔

جنگی استعمال

یہی وجہ ہے کہ اسے اب تک جنگی ٹیکنالوجی میں استعمال کیا جاتا ہے۔ اور اپنے ہد ف پر لیزر پھینکی جاتی ہے۔ اور اسکے ٹکر ا کر واپس آنے والے ٹائم سے ہدف کے فاصلے اور مقام کا تعین کر کے نشانہ بنایا جاتا ہے۔

لیزر اور عام لائیٹ میں فرق

عام لائٹ مختلف قسم کے رنگوں سے مل کر بنی ہوتی ہے۔ یہی وجہ ہے کہ جب لائٹ منشور سے گزرتی ہے۔ تو یہ مختلف رنگوں میں بٹ جاتی ہے۔ ان میں کچھ نظر آتے ہیں۔ بارش کے بعد قوس قزح کا نمودار ہونا اس کی خوبصورت مثال ہے۔ لیکن لائٹ کے

جو حصے نظر نہیں آتے انہیں الٹر وائلٹ اورانفراریڈ کے نام سے یاد کیا جاتاہے۔ اور نظر آنے کی یا نہ آنے کی بڑی وجہ انکی ویو لینگتھ یا سمجھنے کے لئے انکی رفتا رہے۔ جو جتنی تیز ہو گی وہ نظر نہیں آئے گی۔
یہ معلومات اگر چہ عام قاری کے لئے ضروری نہیں۔ لیکن پھر بھی عوام الناس میں لیزر کے بارے میں بہت سے تجسس پایا

جاتا ہے۔ اسلئے انکی تسلی طبع کے لئے ایک قاری کے ذہنی سطح کے مطابق اُن تک معلومات پہنچانے میں خوشی محسوس کرتا ہوں۔ کیونکہ میں نے خود حال ہی میں اسکا کورس کیا ہے اور اسکی کارکردگی سے بہت متاثر ہوں۔ اور جب سے میں نے لیزر پر کام شروع کیا۔ تو عوام الناس کے اس کے متعلق سوالات بہت زیادہ تھے۔ جس سے مجھے احساس ہوا کہ اسکے بارے میں تھوڑی بہت ٹیکنیکل معلومات بھی دے دی جائے تاکہ وہ لیزر کی ٹیکنالوجی سے اچھی طرح فائدہ اُٹھا سکیں۔

لیزر کے بنیادی حصے

بنیادی طور پر لیزر کے تین حصے ہوتے ہیں۔

۱۔ پہلا حصہ (ماخذSource)

یہ ٹھو س مائع یا گیس پر مشتمل ہوتا ہے اور اس سے لیزر نکلتی ہیں۔ اسلئے جس حصہ میں جو ماخذ استعمال ہوتا ہو اُسے اُسی نام سے پکارا جاتا ہے۔

۔ دوسرا حصہ

اُس ماخذ سے انرجی نکالتا ہے۔

۔ تیسرا حصہ

تیسرے حصے میں دو انتہائی پالش کئے ہوئے آئینے رکھے ہوتے ہیں۔جہاں بار بار لیزر شعاؤں کوانعکاس کے ذریعے انتہائی طاقتور بنانے کے بعد ایک ڈیلیوری سٹم کے ذریعے ایک ٹیوب جو فائبر آپٹک مٹیرل سے بنی ہوتے اُس میں لا کر ہینڈپیس کے ذریعے اس ٹشو پر لگایا جاتا ہے۔ جسکا علاج کرنا مقصود ہوتا ہے۔ چونکہ لیزر نظر نہیں آتی اس لئے ہینڈپیس میں یہ ایک عام لائٹ سپاٹ صرف بتا نے کے لئے کہ کہاں لیزر پڑ رہی ہے لگی ہوتی ہے۔

ہرمختلف علاج معالجے کے لئے مخصوص لیزر

لیزر کے عمل کوایک بکس کے ذریعہ جو کمپیوٹرائز ڈہوتا ہے کنٹرول کیا جا تاہے۔ یعنی آپ نے جو عمل کرنا ہے اسکے مطابق اسکی طاقت وغیرہ کو بمطابق سیٹ کر لیں۔
ہرلیزر شعاع اپنے ماخذ کے مطابق مخصوص Wavelengthویو لینگتھ)رفتار) کی حامل ہوتی ہے۔ اسلئے ہر لیزر سے مخصوص علاج کیا جاسکتا ہے۔ مثلاً آنکھ میں استعمال ہونے والی لیزر سے جلد کا علاج نہیں ہو سکتا۔ کیونکہ اسکے لئے ایک محضوص ویو لنگتھ درکار ہو گی۔ اور علی ہذا لقیاس اسکی لیزر دانتوں کے علاج میں کام نہیں آسکتی۔
اگرچہ سائنس دان اب کوشش کر رہے ہیں۔کہ ہم ایک ہی مشین جس سے سب علاج ممکن ہو بنائی جائے لیکن اسکے لئے بہت وقت درکار ہو گا۔

ڈینٹسٹری کے اندر زیادہ استعمال ہونے والی لیزر

اب تک جو لیزر مشینیں مارکیٹ میں آچکی ہیں۔
ؓ ان میں زیادہ استعمال ہونے والی ایک Diodڈائی اوڈ

لیزرہے جو زیادہ تر ڈینٹسٹری میں سافٹ ٹشویعنی نرم عضا کے علاج کے لئے استعمال ہو رہی ہے۔ جب کہ سخت ٹشووالے اعضاء یعنی ہڈیوں اور دانت کے انیمل کے لئے اربیم لیزر استعمال ہو رہی ہے۔

کام کرنے کا طریقہ

جب لیزر شعاع دوران علاج اپنے ہد ف سے ٹکراتی ہے تو کچھ طاقت جذب ہو تی۔ کچھ گزر جاتی ہے۔ اور کچھ منعکس ہو جاتی ہے۔ اور کچھ بکھر جاتی ہے۔

جو حصہ جذب ہو جاتا ہے۔ اسی سے نتائج حاصل کئے جاتے ہیں اور کنٹرول کے ذریعے اس سے ہم کیمیا و ی، مکینیکل یا گرمی پیدا کر نے کے تمام افعال انجام دے سکتے ہیں۔

ڈینٹسیٹری میں لیزر کے فوائد

گویا ڈینٹسٹری میں لیزر شعاؤں کے علاج میں درج ذیل مقاصد کے لئے عام استعمال کیا جانے لگا ہے
٭ نر م ٹشوزکی کٹائی جیسے مسوڑھوں کے علاج میں
٭ رسولیوں کو ختم کر نے کے لئے
٭ پاکٹس کے اندر ٹشوز جلانے کے لئے

٭ دانت کی سطح کم کرنے کیلئے
٭ روٹ کینال کھولنے کیلئے
٭ اسکے اندر نرو کو ختم کرنے کے لئے

٭ دانت کے نیچے سسٹ یا گر ینو لو ما (چھوٹی رسولی) گلانے کے لئے
٭ پھنسی عقل ڈاڑھ سے ہڈی ہٹانے کے لئے

٭ خصوصا ً دانتوں کے وہ نشانات جو کسی صورت میں دور نہیں ہو سکتے تھے۔ اب لیزر وائٹنگ سٹم کے ذریعے 100%کامیابی سے ہٹا دئیے جا تے ہیں۔
الغرض کوئی ایسا علاج نہیں جو ان شعاؤں سے نہ ہو سکتا ہو۔

لیزر اور دوسرے اوزاروں سے علاج سے فرق

اب سوال یہ پیدا ہو تا ہے کہ جب ہم آگے سارے علاج عام اوزاروں سے کر رہے ہیں۔ تو لیزر سے علاج کرانے کا کیا فائدہ جبکہ اسکی فیس بھی یقینا کافی زیادہ ہو تی ہے۔
تو اسکا سیدھا سادھا جواب یہ ہے۔ کہ
٭ اس میں عام اوزاروں سے پھیلنے والی انفیکشن جیسے ہیپا ٹائس، ایڈز وغیرہ کے باالکل چائنس نہیں رہتے۔ظاہر ہے یہ کا م شعاؤں سے ہو تا ہے۔
٭ دوسرا اس میں درد اور خون کے رسنے کے کیفیت نہیں ہوتی ہے۔
٭ تیسرا چونکہ لیزر شعائیں سوزش ختم کرتی ہیں۔ اس لئے سوجن وغیرہ کی تکلیف نہیں ہوتی۔
٭ چوتھا اس کے بعد دوائیوں کی بھی قطعاً ضرورت نہیں پڑتی اور اس کے ساتھ زخم بھی جلدی بھر جاتا ہے۔
اگر باقاعدہ ٹریننگ کے بعد لیزر سے کام کیا جائے تو یہ باالکل محفوظ اور سائیڈ افیکٹس سے مبرا ہو تی ہے۔ کام کرتے وقت مریض ڈاکٹر اور اسسٹنٹ کو ایک مخصوص عینک لگانی پڑتی ہے۔ مختلف قسم کی لیزر کے لئے مختلف قسم کی عینکیں دستیاب ہوتی ہیں۔

لیزر کی مقبولیت

یہی وجہ ہے کہ لیزر سے علاج جو ں جو ں وقت گزرتا جا رہا مقبولیت اختیار کرتا جا رہا ہے۔ اگر چہ آنکھوں اور جلد کے شعبہ میں تو یہ عرصہ دراز سے کامیابی سے استعمال ہو رہی تھی۔پاکستان میں ابھی اسکا استعمال لیزر مشین کے کافی مہنگی ہونے کی وجہ سے بہت محدود ہے۔
الحمد للّٰلہ ہمارے ہاں اس علاج کی سہولت موجود ہے
ڈینٹسٹری میں اسکا سکوپ اسلئے بھی بڑھ رہا ہے کہ وہ ڈینٹسٹ جو زیادہ تر کاسمیٹک ڈینٹسٹری میں دلچسی رکھتے ہیں۔ مریض کے چہر ہ کو دیکھ کر اُنکے چہرے کی خوبصورتی کے لئے مثلاً

چہرے کی جھر یاں ختم کرنا، تل دور کرنا، چھائیاں ہٹانا، فالتو بال ہٹانا وغیرہ وغیرہ ایک ہی چھت تلے انجام دے سکیں گے۔ اور اسکے لئےDENTA SPAکورس کے ذریعے ٹریننگ حاصل کرنے کے مواقع آجکل غیرممالک میں میسر ہیں۔

کم طاقت پر لیزرکے زریعے علاج لو لیول لیزر تھیراپی (low level therpy)

آجکل لیزرکے ذریعے اس طریقہ علاج سے ایک انقلاب پیدا ہوچکا ہے۔ جسے عموماً دردوں جوڑوں کی سوجھن، اور اعصابی تاروں nerves کے دوبارہ صحت یاب ہونے کے لیے استعمال کیا جاتا ہے۔
ڈینٹسٹری میں آجکل اسے کنپٹی کے پاس جوڑ میں درد، سوزش کی وجہ سے منہ بند ہو جانا، اعصابی درد Neuralgia، دانتوں کی حساسیت وغیرہ میں بڑی کامیابی سے استعمال کیا جا رہا ہے۔